ޙާއްޞަ އެހީއަށް ބޭނުންވާ ދަރިވަރުން

      ޢިލުމުވެރިންގެ މެދުގައި މި ޚާއްޞަ ކުދިން ތަފާތު ގޮތްގޮތަށް ސިފަކުރެވެއެވެ. އެއްގޮތަކީ "އިމްޕަރމަންޓް" ދެވަނަގޮތަކީ "ޑިސްއޭބަލްމަންޓް" އަދި ތިންވަނަ ގޮތަކީ "ޑިސްއޭބަލް މީހުން" މިފަދައިންނެވެ.

އިމްޕެއަރމަންޓްގެ މާނައަކީ، ހިއްސުތަކުގެ، ސިކުޑީގެ، ނުވަތަ ހަށިގަޑުގެ އުނިކަމެއް ނުވަތަ ކޮންމެސްމިންވަރެއްގެ ޢައިބެއްގެ ސަބަބުން ގިނަދުވަހަށް ނުވަތަ މުޅިޢުމުރަށް ނުކުޅެދުންތެރިވުމެވެ.

ޑިސްއޭބަލްމަންޓްގެ މާނައަކީ، ލިބިފައިވާ ހަށިގަޑުގެ އުނިކަމެއް ނުވަތަ ސިކުޑީގެ އުނިކަމެއްގެ ސަބަބުން ވަށައިގެންވާ ވެށިގައި ވަކި އިންތަކެއްގެ ތެރޭގައި ކަންކަން ހަމަޖެހިފައިވާ ގޮތުގެ ސަބަބުން މުޖުތަމަޢުގައި ޢާއްމު މީހުންނެކޭ އެއްފަދައިން އުޅުމުގެ ފުރުޞަތުތައް ހަނިވެ ނުކުޅެދުންތެރިވުމެވެ.

ވަޒަންކުރުން

އިމްތިހާނު ކުރުމާއި ވަޒަން ކުރުން ނުވަތަ އެސެސްމަންޓް އެންޑް އިވަލުއޭޝަންއަކީ މަދުރަސީ ނިޒާމުގައި ވަރަށްބޮޑު އަހަމިއްޔަތު ކަމެއް ދީފައިވާ މަސައްކަތެކެވެ. މި މަސައްކަތުގެ ބޭނުމަށް ބަލައިލާއިރު ދެ މަސައްކަތުގައި ތަފާތުކަމެއް ވާކަން ފާހަގަ ކުރެވެއެވެ. މި ތަފާތުތައް ވަކިވަކިން

ދަރިވަރުންދަސްކުރާގޮތް (ލަރނިންގސްޓައިލް)

ކުލާހެއްގައި ތިބޭ ވަކިވަކި ދަރިވަރުންނަކީ އެކި ގޮތްގޮތުން ތަފާތު ދަރިވަރުންނެވެ. ހަމައެހެންމެ،އެކި ކުދިން ދަސްކުރާގޮތް (ލަރނިންގ ސްޓައިލް) ވެސްތަފާތެވެ. އަތްލާ ބަލައިގެން، ތަޖުރިބާ ކޮށްގެން، ކިޔައިގެން، އަޑުއަހައިގެން، ތަފާތު ހިއްސުތައް ބޭނުންކޮށްގެން، ޙަރަކާތްތެރިކަމާއެކު ބައިވެރިވެގެން، މަޝްވަރާކޮށް ހިއްސާކޮށްގެން މިއިން ކޮންމެ ގޮތަކުންވެސް ދަރިވަރުންގެ ސިކުނޑީގައި

މޯޓިވޭޝަން ތިއަރީ

ޝަވްޤުވެރިކަމަކީ ވަކި ކަމެއް ނުވަތަ ލަނޑުދަނޑިއެއް ޙާޞިލު ކުރުމަށްޓަކައި އެ ދިމާއަށް ކުއްޖާ އަމާޒުކުރުވާ އެކަމަށް ބާރުފޯރުވާ، އެކަން ޙާޞިލު ކުރުމަށް ތަފާތު ކަންތައްތައް ކުރުވާ ބާރަށް ކިޔާ ނަމެކެވެ. އެހެން ގޮތަކަށް ދަންނަވާނަމަ ލަނޑުދަނޑިތައް ޙާޞިލްކުރުމަށްޓަކައި މީހުންގެ ކިބައިން ފެންނަ އެކަމަށް އަމާޒުކުރުވަނިވި ސުލޫކުތަކެވެ. ކުއްޖާ ޝައުގުވެރިކުރުވާ އެތެރޭގެ ބާރަކާއި، ބޭރުން ނުވަތަ ޙާލަތާއި ގުޅިގެން މާހައުލުން ބާރު ފޯރުވާ ޝައުޤުވެރިކަން ހުރެ އެވެ. މިބާވަތުގެ ބާރުތަކަށް ކިޔާނަމަކީ އިންޓްރިންސިކް މޯޓިވޭޝަން އާއި، އެކްސްޓްރިންސިކް މޯޓިވޭޝަން އެވެ. އިންޓްރިންސިކް މޯޓިވޭޝަން އަކީ ފަރުދީ ގޮތުން ކޮންމެ ފަރުދެއްގެ ވެސް އެތެރޭގެ ބޭނުންތަކުގެ މައްޗަށް ބިނާވެފައިވާ ޝައުޤުވެރިކަމެވެ. އެކްސްޓްރިންސިކް މޯޓިވޭޝަން އަކީ

ސޯޝަލް ކޮގްނިޓިވް ލަރނިންގ ތިއަރީ

ސޯޝަލް ކޮގްނިޓިވް ލަރނިންގ ތިއަރީ އުފެދިފައިވަނީ ނަފްސާނީ ޢިލްމުވެރިއެއްކަމަށްވާ އަލްބަޓް ބަންދޫރާގެ ވިސްނުމުގެ މައްޗަށެވެ. އުނގެނުމަކީ މާހައުލުން ގެންދެވޭ މަޢުލޫމާތު ބަދަލުކޮށް ސިކުނޑީގައި އެކަމާ ގުޅޭގޮތުން އުފައްދާ އަސަރަކުން ސުލޫކު ވަކިގޮތަކަށް ބަދަލުވުން ކަމުގައި އަލްބަޓް ބަންދޫރާ (1986) ހާމަކުރައްވައެވެ. މިތިއަރީގައި ބަންދޫރާ ފާހަގަކުރާ މައިގަޑު ކޮންސެޕްޓަކީ ''ރެސިޕްރޯކަލް ރިލޭޝަންޝިޕް'' ނުވަތަ ''ގުޅިލާމެހިފައިވާ ގުޅުން'' މިއެވެ.  މި ކޮންސެޕްޓް  ބަންދޫރާ ތަފްޞީލް ކުރަމުން ފާހަގަކުރާ ގޮތުގައި މިގުޅުމުގައި މައިގަނޑު ތިންބައެއް ހިމެނެއެވެ. އެ ބައިތަކަކީ

މަޢުރޫފީ އުނގެނުމުގެ ނަޒަރިއްޔާ

މަޢުރޫފީ ވިސްނުމުގެ ނަޒަރިއްޔާގައި އުނގެނުން މާނަކުރާގޮތުގައި އުނގެނޭ ފަރާތަށް މާޙައުލުން ލިބިދޭ މަޢުލޫމާތެއް ދަސްވެ ދެނެގަތުމުގައި ޙަރަކާތްތެރި ރޯލެއް އަދާކުރެއެވެ. މި ނަޒަރިއްޔާގައި އަލިއަޅުވާލާނީ އިންސާނާގެ ސިކުނޑިއަށް އަންނަ ބަދަލުތަކުގެ ސަބަބުން ސުލޫކަށް އަންނަ ބަދަލުތަކުގެ މައްޗަށެވެ. މިގޮތުން، އުނގެނުން ބިނާވަނީ ކުރިން އެނގިފައިވާ އެއްޗެއްގެ މައްޗަށް އަލަށް ދެނެގަނެވޭ އެއްޗެއް ގުޅުވާލެވިގެންނެވެ. މި ގުޅުވާލެވޭ ގުޅުވާލުން އޭނާގެ ވިސްނުމަށާއި ސުލޫކަށް ވެސް ބަދަލުތައް ގެނެއެވެ. މި ނަޒަރިއްޔާގައި ހާއްސަކޮށް ފާހަގަކުރާ ގޮތުގައި އުނގެނުން މާނަކުރެވެނީ މާޙައުލުން މަޢުލޫމާތު ގެންގޮސް ސިކުޑީގައި ޖަމާކުރުމަށެވެ. މި ނަޒަރިއްޔާގެ މައިގަނޑު މޮޑެލަކީ އިންފޮމޭޝަން ޕްރޮސެސިންގ ތިއަރީ (އައި ޕީ ޓީ) ނުވަތަ އިންފޮމޭޝަން ޕްރޮސެސިންގ މޮޑެލް (އައި ޕީ އެމް) އެވެ.

މަޢުލޫމާތު ސިކުނޑީގައި ރައްކާކުރެވޭ ގޮތް އަޅާ ކިޔެނީ ކޮމްޕިޔުޓަރ ގައި މަޢުލޫމާތު ރައްކާކޮށް ބޭނުންކުރެވޭ ގޮތާއި ކައިރި ގޮތެއްގެ ގޮތުގައެވެ. މި ވިސްނުމުގައި މާޙައުލުން މަޢުލޫމާތު ވަންނަ ތިން ޖާގައެއް (މެމޮރީ) އިންފޮމޭޝަން ޕްރޮސެސިންގ މޮޑެލްގައި ސިފަކުރެވިފައި ވެއެވެ. އެއީ،

އުނގެނުމުގެ ނަޒަރިއްޔާތަކުގެ ތެރެއިން...

ސްލޫކީ އުނގެނުމުގެ ނަޒަރިއްޔާ (ބިހޭވިއަރަލް ލަރނިންގ ތިއަރީ)

ސުލޫކީ ޢިލްމްވެރިންގެ ނަޒަރުގައި އުނގެނުމަކީ ތަޖުރިބާއާއި ފަރިތަކުރުމުގެ ސަބަބުން ދާއިމީ ގޮތުން ސުލޫކަށް އަންނަ ބަދަލެކެވެ. އެހެންކަމުން، އުނގެނުމަކީ އެތެރޭގެ ހަރަކާތެކެވެ. އެމީހެއްގެ ނަފްސުން އެކަމުގެ އެއްވެސް އަލާމާތެއް ނުފެންނަނަމަ އުނގެނުނީ ކަމަށް ގަބޫލެއް ނުކުރެވޭނެއެވެ. ސުލޫކީ އުނގެނުމުގެ ނަޒަރިއްޔާތަކީ ވަކި އުޅުމެއް ބައްޓަން ކުރުވުމަށް މެދުވެރިކުރުވާ ނުވަތަ މެދުވެރިވާ ޙާލަތަކާ ވިއްދައިގެން އޭގެ ރައްދެއްގެ ގޮތުން ސުލޫކަށް ނުވަތަ އުޅުމަށް އަންނަ ބަދަލު ތަކަށް ރިޢާޔަތްކޮށްގެން އުނގަންނައިދިނުމެވެ. މި ތިއަރީ މާނަކުރާ ގޮތުގައި އުނގެނުމަކީ މާހައުލުން އުނގެނޭ ފަރާތަށް ކުރުވާ އަސަރެއްގެ ނަތީޖާގެ ސަބަބުން ބޭރުފުށުން ހާމަވެ ފާޅުވާ ދާއިމީ ބަދަލެކެވެ. މި ބަދަލަކީ ގަސްދުގައި ނުވަތަ ގަސްދުގައި ނޫން ގޮތަކަށް ވެސް އަތުވެދާނެ ބަދަލެކެވެ. މި ތިއަރީގައި އިންސާނުންގެ ސުލޫކު ގުޅިފައިވަނީ އޭނާގެ މާހައުލުގައި ކުރާ ތަޖުރިބާތަކާއި، ހިއްސާކުރާ ހިއްސާކުރުން ތަކާއެވެ.